Breaking News
Home / देशभित्र / आचारसंहिता विपरीतका झण्डा , तुल र ब्यानर हटाइयो

आचारसंहिता विपरीतका झण्डा , तुल र ब्यानर हटाइयो

काठमाडौँ, १० मंसिर । आचारसंहिता विपरीत मोरङका विभिन्न सार्वजनिक ठाउँमा राखिएका राजनीतिक दलका झण्डा र तुल–ब्यानर सरोकारवालाको टोलीले हटाएको छ ।

क्षेत्रीय निर्वाचन कार्यालय विराटनगरका प्रमुख प्रेमप्रसाद सञ्जेलका अनुसार मोरङका विभिन्न क्षेत्रमा आचारसंहिता विपरीत टाँगिएको झण्डा, तुल–ब्यानर शनिबार साँझसम्म गरिएको अनुगमनमा विराटनगर–रंगेली सडकखण्डमा पर्ने विभिन्न गाउँपालिका र रंगेली नगरपालिकामा राखिएका तुल–ब्यानर हटाएको हो ।

मोरङका प्रमुख जिल्ला अधिकारी रामप्रसाद आचार्य, क्षेत्रीय निर्वाचन अधिकारी प्रेमप्रसाद सञ्जेल, मुख्य निर्वाचन अधिकृत राजुकुमार खतिवडासहित सुरक्षा निकायका प्रमुखको टोलीले आचारसंहिता विपरीतका तुल–ब्यानर हटाएको सञ्जेलले जानकारी दिनुभयो । आचारसंहिताको अनुगमनमा निस्किएकाले टोलीले निर्वाचन कार्यालयको पासबिना सवारीसाधनमा पार्टीको झण्डा र ब्यानर राखेर कुदाएको गाडीसमेत फेला पारेको थियो ।

यस्तै मोटरसाइकल चालकले समेत पार्टीको झण्डा बाँधेर हिँडिरहेको भेटिएको थियो । दलका नेता तथा कार्यकर्ताले सार्वजनिक ठाउँमा पार्टीको तुल–ब्यानर राख्नाका साथै सर्वसाधारणका निजी घर, पसल र सवारीसाधनमा समेत जबर्जस्ती झण्डा राखेको फेला परेको थियो ।

About admin

Check Also

accident (1)

तीन जना सवार मोटरसाइकल दुर्घटनाग्रस्त, एकको मृत्यु

काठमाडौं ३ असोज । धादिङको पृथ्वीराजमार्गअन्तर्गत थाक्रे गाउँपालिका–७ जंङ्गेखोला नजीकै आज मोटरसाइकल दुर्घटना हुँदा एक …

Leave a Reply

Your email address will not be published. Required fields are marked *